स्वागत आहे तुमचं आपल्या मराठमोळ्या पेजवर…. मे महिन्याच्या कडक उन्हानंतर आता मस्त पावसाला सुरुवात झाली आहे. अनेकांना या पावसाच्या वातावरणात बाहेर फिरणे, भिजणे, नाचणे आणि बाहेर खाणे पिणे खुप आवडते. चहा भाजीपासून ते स्ट्रीट फूडपर्यंत लोक या पावसाळ्याचा आनंद लुटतात. मात्र या ऋतूमध्ये सावधगिरी बाळगणे अतिशय गरजेचे आहे.
बऱ्याचदा तुमचा हा निष्काळजीपणा तुम्हाला आजारी बनवू शकतो. पावसाळ्यात रोग आणि संसर्ग झपाट्याने पसरतात. पावसाळ्यात बहुतेक संसर्ग बाहेरील अन्नातून पसरतो. तसेच कच्च्या आणि हिरव्या पालेभाज्या या ऋतूत तुम्हाला आजारी पाडतात. त्यामुळे तुम्हाला निरोगी राहायचे असेल तर या गोष्टी लक्षात ठेवा.
1) स्ट्रीट फूड टाळा – पावसात बाहेरचे खाणे सर्वांनाच आवडते. पण जर तुम्हाला तुमच्या आरोग्याची काळजी घ्यायची असेल तर बाहेरचे जेवण टाळावे लागेल. स्ट्रीट फूड बनवताना स्वच्छतेची काळजी घेतली जात नाही. अशा स्थितीत अनेकदा तळलेले अन्न खाल्ल्यानेही पोट खराब होऊ शकते.
2) कच्चे अन्न खाणे टाळा – पावसाळ्यात कच्चे अन्न खाणे टाळा. या ऋतूमध्ये चयापचय क्रिया हळूहळू काम करते. त्यामुळे अन्न उशिरा पचते. पावसात ज्यूस आणि सॅलड खाणे टाळा. उशिरा कापलेली फळे खाऊ नयेत.
3) उकळलेले पाणी प्या – पावसाच्या पाण्यात अनेक प्रकारचे जीवाणू वाढू लागतात, त्यामुळे फक्त उकळलेले पाणी पिण्याचा प्रयत्न करा. उकळत्या पाण्यात सर्व प्रकारचे जीवाणू नष्ट होतात. उकळलेले पाणी प्यायल्याने डिहायड्रेशन आणि डायरियासारखे आजार होत नाहीत.
4) प्रतिकारशक्ती वाढवा – पावसाळ्यात रोगप्रतिकारक शक्ती वाढवणाऱ्या गोष्टी खा. ज्या लोकांची रोगप्रतिकारशक्ती कमी असते, ते या ऋतूत लवकर आजारी पडतात. म्हणूनच तुम्ही तुमची रोगप्रतिकारक शक्ती मजबूत करण्यासाठी काम केले पाहिजे. ड्रायफ्रुट्स, कॉर्न, गहू, बेसन यांसारख्या धान्यांचा आहारात समावेश करा.
5) थंड आणि आंबट पदार्थ टाळा – पावसाळ्यात घशाचा संसर्ग जास्त प्रमाणात होतो. अशा परिस्थितीत तुम्ही थंड पदार्थ जसे की आईस्क्रीम, ज्यूस किंवा शेक टाळावे. या ऋतूत थंड पाणी पिऊ नये. तसेच आंबट पदार्थांचे सेवन कमी करावे. त्यामुळे घसा खवखवण्याचा धोका वाढतो.
सूचना – वरील लेखातील देण्यात आलेली माहिती ही संशोधकांनी केलेल्या वैद्यकीय संशोधनावर आधारित असून ती इंटरनेटवर उपलब्ध आहे, त्यामुळे या लेखात केलेल्या दाव्यांचा चा काहीही संबंध नाही. कोणताही वैद्यकीय उपचार करण्यापूर्वी आरोग्यतज्ज्ञांचा व डॉक्टरांचा सल्ला घेणे खूपच आवश्यक आहे. धन्यवाद.!!